"ბარსელონას" სურს, რომ ლიონელ მესის ტრანსფერი რაც შეიძლება მალე დახუროს, - წერს SPORT.

"ლურჯ-ბროწეულისფრებს" უნდათ, არგენტინელმა მეგავარსკვლავმა "ბლაუგრანას" პრესეზონის ტურნეში მიიღოს მონაწილეობა.

ტურნეს "ბარსა" ამერიკის შეერთებულ შტატებში გამართავს.

ზუსტი თარიღები ჯერ უცნობია, მაგრამ, დიდი ალბათობით, კატალონიური გრანდი ოკეანისგაღმა ივლისის ბოლოს გაემგზავრება.

შეგახსენებთ, რომ ოქროს ბურთის შვიდგზის მფლობელის თავისუფალი აგენტი პირველ ივლისს ხდება.

მიმდინარე სეზონში მესის ანგარიშზე 19 გოლი და 17 ასისტია.