როგორც მოგეხსენებათ, მილანის “ინტერი” კატალონიის “ბარსელონას” გამოცდილი მცველის, მარკოს ალონსოს შეძენით ინტერესდება.

გავლენიანი სპორტული სააგენტოს, Mundo Deportivo-ს მიერ გავრცელებული ინფორმაციის თანახმად, 32 წლის ფეხბურთელი კატალონიური გუნდის დატოვებას არ გეგმავს.

ალონსო ასევე ხვდება, რომ კლუბს შესაძლოა, Fair Play-ის პრობლემების გამო მისი გაყიდვა მოუწიოს. ესპანელი ფეხბურთელი ამ შემთხვევაში “ბლაუგრანასთან” მოლაპარაკებების გამართვაზე თანახმაა.

ფაქტია, რომ ალონსო კატალონიაში თავს კომფორტულად გრძნობს, თუმცა გაჭირვების შემთხვევაში ის კლუბს მისი წასვლით დაეხმარება.

ცნობისთვის, გამოცდილმა ფეხბურთელმა მიმდინარე სეზონში ჩატარებულ 29 შეხვედრაში 3 გოლის გატანა მოახერხა.