"ბარსელონა" მიმდინარე მსოფლიო ჩემპიონატის ერთ-ერთ აღმოჩენას, აზედინ უნაის უმიზნებს, - იტყობინება Mundo Deportivo.

22 წლის მაროკოელს ნახევარდაცვის ყველა პოზიციაზე შეუძლია თამაში.

აზედინი მაღალ ხელფასს არ მოითხოვს. გარდა ამისა, მისი სათამაშო უნარები შესამჩნევია, რითაც "ბარსასთვის" სასურველ პროფილში სრულყოფილად ჯდება.

წყაროს თანახმად, უნაის "ბლაუგრანაში" თამაშის პერსპექტივა ძალიან მოსწონს.

მიუხედავად ამისა, კატალონიური გრანდი ნაცნობი პრობლემის წინაშეც დგას. საქმე იმაში მდგომარეობს, რომ ფინანსური ფეარ პლეი კლუბს დიდი თანხის გადახდის საშუალებას არ მისცემს.

ცნობისთვის, აზედინი ფრანგული "ანჟერის" ღირსებას იცავს. მიმდინარე სეზონში უნაიმ 22 მატჩში მიიღო მონაწილეობა. აქედან 5 მუნდიალზე ჩაატარა და საფეხბურთო სამყაროს დიდი ყურადღება მიიპყრო.