"ნიუკასლ იუნაიტედი" რაფინიათი დაინტერესდა, - იუწყება Mundo Deportivo.

კატალონიური გამოცემის ინფორმაციით, "ბარსელონას" მთავარი მწვრთნელი ჩავი ერნანდესი ბრაზილიელი გარემარბის შესაძლებლობებს ენდობა და მისი გაყიდვა კლუბის პრიორიტეტულ ამოცანად ნამდვილად არ მიიჩნევა.

მიუხედავად ამისა, "ბლაუგრანაში" იციან, რომ რაფინიას ინგლისში გასხვისება განსაკუთრებით სარფიანად იქნება შესაძლებელი.

რაც შეეხებათ "კაჭკაჭებს", მათ სურთ, ისარგებლონ 26 წლის შემტევის არც თუ ისე მყარი პოზიციებით "ბარსაში". გარდა ამისა, "ჯორდებს" შეიძლება ჩემპიონთა ლიგის საგზურის მოპოვებაც დაეხმაროთ.

მიმდინარე სეზონში ჩატარებულ 41 მატჩში რაფინიამ თავი 9 გოლითა და 9 ასისტით გამოიჩინა.