ესპანელმა ჟურნალისტმა ჟერარ რომერომ ლიონელ მესის მომავლის შესახებ ახალი ცნობები გაავრცელა.

რომეროს ინფორმაციით, 35 წლის არგენტინელის უნდა, რომ თავისი მომდევნო კლუბი სეზონის დასრულებამდე ჰქონდეს გარკვეული.

აი, რას იუწყება ცნობილი ჟურნალისტი:

"ლიონელ მესიმ "ბარსელონას" შეუთვალა, რომ ყველაფერი გააკეთოს, რათა ტრანსფერი სეზონის დასრულებამდე დახუროს.

თუ "ბარსა" ამას ვერ იზამს, მესი "პარი სენ-ჟერმენთან" გაახანგრძლივებს კონტრაქტს."

მაშასადამე, რომეროს გაჟღერებული ინფორმაცია ცხადყოფს, რომ მესიმ "ბარსელონას" წამზომი ჩაურთო და ლაპორტას სიჩქარე მართებს.

ცნობისთვის, პირველ ივლისს "ლა პულგა" თავისუფალი აგენტი ხდება. მიმდინარე სეზონში ლიონელის ჯამური მონაგარი (კლუბი+ნაკრები) 36 გოლსა და 24 ასისტს შეადგენს.