ჟერარ რომერო იუწყება, რომ "ბარსელონას" სპორტული დირექტორი მატეუ ალემანი დღეს მარკოს ალონსოს აგენტს შეხვდა.

მხარეებმა გაანალიზეს ის შეთავაზებები, რომლებიც 31 წლის მცველს სხვა კლუბებისგან აქვს მიღებული. არსებობს შანსი, მარკოსმა ზაფხულში "ბლაუგრანა" დატოვოს, თუმცა ეს გარდაუვალი არ არის.

აღნიშნული ინფორმაცია მოულოდნელია იმ ფონზე, რომ ვრცელდებოდა ცნობები "ლურჯ-ბროწეულისფერთა" მიერ მარკოსისთვის კონტრაქტის გახანგრძლივების შეთავაზებაზე.

ცნობისთვის, მოქმედი ხელშეკრულება ალონსოს "ბარსასთან" სეზონის ბოლოს ეწურება.

ესპანელმა მარცხენა მცველმა "ბარსას" მაისური 30 მატჩში მოირგო და გუნდს 3 გოლით დაეხმარა.