მადრიდის "რეალის" მთავარმა მწვრთნელმა კარლო ანჩელოტიმ განაცხადა, რომ "ბარსელონასა" და "სამეფო კლუბს" შორის ლა ლიგაში არსებული 11-ქულიანი სხვაობა გუნდების სათამაშო დონეთა რეალურ შეფარდებას არ ასახავს.

იტალიელი სპეციალისტის ამ განცხადებას ჩავი ერნანდესი "რაიო ვალეკანოსთან" მატჩის წინ გამართულ პრესკონფერენციაზე გამოეხმაურა.

"ანჩელოტის ვეთანხმები. ის აბსოლუტურად მართალია.

ეს კრიტიკა არაა. მისი განცხადება ადასტურებს, რომ ლა ლიგაში ბრწყინვალე სამუშაო გავწიეთ. 

ანჩელოტის სიტყვებს კომპლიმენტად ვიღებ," - თქვა ჩავიმ.

შეგახსენებთ, რომ "რაიოსა" და "ბარსას" ჯახი ხვალ, თბილისის დროით 23:55 საათზე დაიწყება.