ლა ლიგის 31-ე ტურში "ბარსელონას" "რაიო ვალეკანოსთან" ელის მატჩი. SPORT ვარაუდობს, რომ "ლურჯ-ბროწეულისფერთა" მთავარი მწვრთნელი ჩავი ერნანდესი მოედანზე საკმაოდ შემტევ თერთმეტეულს გამოიყვანს.

მეკარე: მარკ-ანდრე ტერ შტეგენი

დაცვა: ჟიულ კუნდე, რონალდ არაუხო, ერიკ გარსია, ალეხანდრო ბალდე

ნახევარდაცვა: პაბლო გავი, ფრენკი დე იონგი, პედრი გონსალესი

თავდასხმა: რაფინია, რობერტ ლევანდოვსკი, ფერან ტორესი

Mundo Deportivo კატალონიური გრანდისგან ოთხი ნახევარმცველით თამაშს ელოდება. გამოცემა ფიქრობს, რომ დაცვის ცენტრში არაუხოს მარკოს ალონსო შეუწყვილდება, საყრდენის როლში ერიკ გარსია იქნება, ხოლო მარცხენა გარემარბად პაბლო გავი ითამაშებს.

შეგახსენებთ, რომ "რაიოსა" და "ბარსას" მატჩი თბილისის დროით 23:55 საათზე დაიწყება.