როგორც მოგეხსენებათ, "ბარსელონა" ხვალ "რეალ ბეტისს" დაუპირისპირდება და ლა ლიგის მოგებისკენ კიდევ ერთი ნაბიჯის გადადგმას ეცდება.

"ბლაუგრანას" თავკაცმა ჩავი ერნანდესმა დღევანდელ პრესკონფერენციაზე "რაიო ვალეკანოს" წინააღმდეგ წაგებული შეხვედრის შესახებაც ისაუბრა. "მაესტრომ" "ვალეკასზე" ნაჩვენებ თამაშს სეზონში ყველაზე ცუდი უწოდა.

"ვალეკასზე" სეზონის ყველაზე ცუდი მატჩი ჩავატარეთ.

თუ ბოლო 20 ტურს მივიღებთ მხედველობაში, საკმაოდ კარგი შედეგი გვაქვს. მიუხედავად ამისა, დამაკმაყოფილებელი შთაბეჭდილება ვერც "ხეტაფესთან" დავტოვეთ," - თქვა ჩავიმ.

შეგახსენებთ, რომ "რაიოსთან" "ბარსამ" ანგარიშით 1:2 წააგო, "ხეტაფეს" წინააღმდეგ კი ნულოვანი ფრე გააგორა.

კატალონიური გრანდი "ბეტისს" ხვალ, თბილისის დროით 23 საათიდან შეერკინება.