ფრანკფურტის "აინტრახტისა" და იაპონიის ნაკრების ვარსკვლავი, დაიჩი კამადა შესაძლოა "ბარსელონას" მოულოდნელი დანამატი გახდეს.

Frankfurter Rudushau-ის ინფორმაციით, დაიჩი ახლა არჩევანს "ბარსასა" და "ბორუსია დორტმუნდს" შორის აკეთებს.

მომავალ ზაფხულს კამადა თავისუფალი აგენტი ხდება, რაც კატალონიელთათვის ძალიან მნიშვნელოვანი გარემოებაა.

"აინტრახტი" 26 წლის ფეხბურთელს დასარჩენად უფრო დიდ კონტრაქტსაც სთავაზობს, თუმცა მას გუნდის გამოცვლა აქვს გადაწყვეტილი.

დაიჩის აქტიურად აკვირდებიან იტალიიდანაც.

კამადამ თავი შესანიშნავად წარმოაჩინა კატარის მუნდიალზე, სადაც იაპონიის ნაკრებმა ჯგუფში ესპანეთსა და გერმანიას მოუგო.

"აინტრახტის" მაისურით მიმდინარე სეზონში ჩატარებულ 22 მატჩში ნახევარმცველის მონაგარი 12 გოლი და 4 ასისტია.