"ბარსელონასა" და ლა ლიგას შორის ლიონელ მესის დაბრუნების თაობაზე შემდგარი შეხვედრა ძალიან პოზიტიურად წარიმართა, - იუწყება ჟურნალისტი ვერონიკა ბრუნატი.

წყაროს თანახმად, "ბლაუგრანას" მიერ წარდგენილი გეგმა დამტკიცებას უფრო და უფრო უახლოვდება.

ბრუნატი წერს იმასაც, რომ ოქროს ბურთის შვიდგზის მფლობელმა იცის ყველა იმ მანევრის შესახებ, რასაც კატალონიური გრანდი მის დასაბრუნებლად მიმართავს.

როგორც ჩანს, მესი "ბარსას" რომელიღაც მნიშვნელოვან წევრთან პირდაპირ კონტაქტზე იმყოფება.

ჟურნალისტ სერხიო გონსალესის თქმით, "ლურჯ-ბროწეულისფრებმა" უკვე მიმართეს "ნაიკს" თხოვნით, რომ მესის დაბრუნების შემთხვევაში, მაისურების წარმოება გაზარდონ.

2-3 ახალი სპონსორი მხოლოდ ლა ლიგის მიერ გეგმის დამტკიცებას ელოდება, რათა "ბარსელონასთან" კონტრაქტი გააფორმონ.

ასე და ამგვარად, ლეოს დაბრუნების ნიშნები უფრო და უფრო ნათლად იკვეთება ეს კი "ბარსას" ეკონომიკურ მდგომარეობა,ს დიდ გავლენას მოახდენს.

ცნობისთვის, არგენტინელი შემტევი პირველ ივლისს თავისუფალი აგენტი ხდება.