შაბათს "ბარსელონამ" "რეალ ბეტისს" ოთხბურთიანი სხვაობით მოუგო და ლა ლიგის ტიტულს კიდევ უფრო მიუახლოვდა.

პრიმერას ჩემპიონობამდე ჩავის ბიჭებს 8 ქულის აღება აშორებთ.

Diario AS-ის ინფორმაციით, "ბლაუგრანას" ფეხბურთელები ისურვებდნენ, რომ 34-ე ტურში, "ესპანიოლის" სტადიონზე გაჩემპიონებულიყვნენ.

კატალონიელთა სურვილის ასასრულებლად ორი პირობა უნდა დაკმაყოფილდეს.

პირველი ისაა, რომ "ბარსამ" 2 მაისს "ოსასუნა" უნდა დაამარცხოს. რაც შეეხება მეორე პირობას, იგი მადრიდის "რეალს" ეხება - "სამეფო კლუბი" "რეალ სოსიედადთან" უნდა დამარცხდეს.

თუ მოვლენები ამ სცენარით განვითარდა, "ლურჯ-ბროწეულისფერთ" ტიტულის ჩაბარება 14 მაისს, "ესპანიოლის" წინააღმდეგ, მოსისხლე მტრის სტადიონზე მოგებით შეეძლებათ.