როგორც მოგეხსენებათ, ევროპულ მედიაში აქტიურად ვრცელდება ინფორმაცია, რომ ლიონელ მესი სეზონის ბოლოს პსჟ-ს დატოვებს.

ყველაზე გავლენიანი სპორტული ჟურნალისტის, ფაბრიციო რომანოს მიერ გავრცელებული ინფორმაციით, დავა აღარ მიდის. ლიონელ მესი ნამდვილად დატოვებს პსჟ-ს. 

დაახლოებით ერთი თვის წინ, ლეო მესის მამამ და ამავდროულად აგენტმა, ხორხე მესიმ პსჟ-ს ხელმძღვანელობას შეატყობინა, რომ მის შვილს ფრანგულ გუნდთან კონტრაქტის გაახანგრძლივება არ სურდა.

ცნობისთვის, 35 წლის არგენტინელმა სუპერვარსკვლავმა მიმდინარე სეზონში ჩატარებულ 37 შეხვედრაში 20 გოლი გაიტანა და 19 საგოლე გადაცემა შეასრულა.