Jijante-სთან ჩაწერილ ინტერვიუში, "ბარსელონას" ცენტრალურმა მცველმა, ერიკ გარსიამ თავისი თანაგუნდელის, ანსუ ფატის შესახებ ისაუბრა.

"ანსუ მენტალურად ძალიან ძლიერია. სავარჯიშო დარბაზში მასავით ვერავინ მუშაობს. ის თავს კარგად უვლის.

მსოფლიო ჩემპიონატისას ანსუ განსაკუთრებული ნაპერწკლით შრომობდა," - თქვა ერიკმა.

ბევრი გულშემატკივარი იფიქრებდა, რომ სავარჯიშო დარბაზში ყველაზე დიდ დროს "ბარსას" 34 წლის სუპერვარსკვლავი, რობერტ ლევანდოვსკი ატარებდა, თუმცა, როგორც ჩანს, ანსუ მას ტოლს არ უდებს.

გარკვეულწილად, ფატის მიერ ფიზიკურ მომზადებაზე დახარჯულ დიდ ენერგიას უნდა მივაწეროთ, რომ მიმდინარე სეზონში იგი გუნდს არ გამოკლებია და მუდამ მზადაა სათამაშოდ.

ცნობისთვის, ანსუმანეს მონაგარი 3 გოლსა და 3 საგოლე გადაცემას შეადგენს.