"პარი სენ-ჟერმენის" გულშემატკივრები კლუბის სამხრეთ ამერიკელ ვარსკვლავებს აუმხედრდნენ. "პსჟ-ს" მთავარ ოფისთან შეკრებილი ქომაგები ლიონელ მესისა და ნეიმარს შეურაცხყოფას რამდენიმე საათის განმავლობაში აყენებდნენ და ამის ამსახველი არაერთი ვიდეო არსებობს.

როგორც ჩანს, შექმნილმა ვითარებამ ნეის "ბარსელონა" კიდევ უფრო მოანატრა.

ნეიმარმა ინსტაგრამზე მოიწონა მისი და ლეოს საერთო ფოტო, რომელიც 2016/2017 წლების სეზონშია გადაღებული.

"ქომაგებო, ვიცი, რომ თქვენც ამაზე ფიქრობდით... ისინი მაშინ ძალიან ბედნიერები იყვნენ," - ვკითხულობთ ფოტოს აღწერაში.

შეგახსენებთ, რომ მესის "პსჟ-დან" წასვლა გადაწყვეტილია და პარიზში დარჩენის დიდი შანსი არც ნეიმარს აქვს. მიუხედავად ამისა, მათი "ბლაუგრანაში" ერთობლივი დაბრუნება ძალიან რთულად წარმოსადგენია.