რონალდ არაუხოს სამედიცინო შტაბი მწვანე შუქს პარასკევს აუნთებს, - იუწყება Diario AS.

კვირას "ბარსელონას" თანაქალაქელ "ესპანიოლთან" ელოდება მატჩი, თუმცა იმ შეხვედრისთვის ურუგვაელი მცველი სასტარტო შემადგენლობაში არ მოიაზრება.

წყაროს თანახმად, არაუხო ეცდება, რომ ძირითად თერთმეტეულს 8 იანვარს, მადრიდის "ატლეტიკოს" წინააღმდეგ გასამართ შეხვედრაში დაუბრუნდეს.

შეგახსენებთ, რომ რონალდმა ტრავმა სექტემბრის ბოლოს მიიღო და ოპერაციაც გაიკეთა.

23 წლის უკანახაზელი ურუგვაის ნაკრებს კატარის მსოფლიო ჩემპიონატზე ახლდა, თუმცა მოედანზე 1 წამიც არ გაუტარებია.

რაც შეეხება კატალონიურ დერბის, იგი 31 დეკემბერს, თბილისის დროით 17 საათზე დაიწყება.