კარგად გახსოვთ, რომ კატალონიის “ბარსელონას” ახალგაზრდა ფეხბურთელი, ანსუ ფატი ტრავმის მიღებამდე, მსოფლიოს ერთ-ერთ საუკეთესო ამომავალ ვარსკვლავად მიიჩნეოდა.

Mundo Deportivo-ს ინფორმაციით, 2020 წელს, როდესაც გუნდის პრეზიდენტი ხოსეპ მარიო ბართომეუ გახლდათ, “ბლაუგრანამ” საკმაოდ სარფიან გარიგებაზე განაცხადა უარი.

კატალონიელებმა ანსუ ფატის სანაცვლოდ “მანჩესტერ იუნაიტედის” მიერ შემოთავაზებული 150 მილიონ ევროზე უარი თქვეს.

2021 წელს ესპანელმა ფეხბურთელმა დაზიანება მიიღო, რამაც მას განვითარებაში ხელი მნიშვნელოვნად შეუშალა. დღეს ანსუ "ბლაუგრანადან" წასვლის ერთ-ერთი ყველაზე რეალური კანდიდატია.

ამჟამად, გავლენიანი გერმანული გამოცემა Transfermarkt ანსუმანე ფატის 35 მილიონ ევროდ აფასებს.