ჟოან ლაპორტას ლიონელ მესის "ბარსელონაში" დაბრუნების იმედი ისევ აქვს, - იუწყება Cadena Cope.

ჟურნალისტი ელენა კონდისი ირწმუნება, რომ "ლურჯ-ბროწეულისფერთა" წარმომადგენლები ლა ლიგასთან შეხვედრების ფორმატში მუშაობას აგრძელებენ.

ოქროს ბურთის შვიდგზის მფლობელისთვის შეთავაზების გაკეთება ჯერ კიდევ ნაადრევია.

წყაროს თანახმად, "ბარსა" ფეხბურთელთა გაყიდვის შესაძლებლობებსაც განიხილავს. ყველაზე რეალურ ვარიანტად რაფინიას პრემიერ ლიგაში გასხვისება მიიჩნევა. ეს ოპერაცია კლუბს 70-80 მილიონ ევროს მოუტანს.

შეგახსენებთ, რომ 35 წლის მეგავარსკვლავს "პარი სენ-ჟერმენთან" კონტრაქტი პირველ ივლისს ეწურება. მიმდინარე სეზონში ის პარიზელებს 20 გოლითა და 19 საგოლე გადაცემით დაეხმარა.