სერხიო ბუსკეტსის გადაწყვეტილებას, რომელიც მისი "ბარსელონური" კარიერისთვის წერტილის დასმას გულისხმობს, კატალონიური გრანდის კიდევ ერთი ლეგენდა, ლიონელ მესი გამოეხმაურა

არგენტინელმა მეგავარსკვლავმა თავის მეგობარს ინსტაგრამპოსტის საშუალებით მიმართა.

"მოედანზე ყოველთვის 5-იანი, მაგრამ როგორც ფეხბურთელი და ადამიანი, შენ 10-იანი ხარ, ბუსი.

ყველაფერ საუკეთესოს გისურვებთ ცხოვრების ახალ ეტაპზე შენ და შენს ოჯახს. მადლობას გიხდი იმისთვის, რასაც მოედანზე და მის მიღმა წარმოადგენდი. ერთად ბევრი რამ გამოგვივლია - ბევრიც კარგი და ზოგიც რთული... ისინი სამუდამოდ შენარჩუნდებიან!

გეხვევი," - წერს ლეო.

შეგახსენებთ, რომ ბუსკეტსმა მესის მხარდამხარ 567 მატჩი ჩაატარა. ამ დუეტმა ერთად 23 გოლი შექმნა და უამრავი ტიტული მოიგო.