კლუბის რთული ფინანსური სიტუაციიდან გამომდინარე, "ბარსელონას" მხოლოდ ერთი ძვირადღირებული ტრანსფერის განხორციელება შეეძლება, - იუწყება Diario AS.

კატალონიელებს ორი ვარიანტი აქვთ და მათ არჩევანის გაკეთება მოუწევთ.

წყაროს თანახმად, "ბლაუგრანა" დიდ ფულს ან მარტინ ზუბიმენდიში დახარჯავს, ან ხუან ფოიტში.

ესპანელ ნახევარმცველში "რეალ სოსიედადი" 60 მილიონ ევროს ითხოვს, "ვილიარეალი" კი არგენტინელ მარჯვენა მცველს 54 მილიონ ევროდ აფასებს.

ნახევარმცველის პოზიციისთვის "ლურჯ-ბროწეულისფერთა" ალტერნატივები სოფიან ამრაბატი (ფიორენტინა) და გვიდო როდრიგესი (ბეტისი) არიან. რაც შეეხება სხვა მარჯვენა მცველებს, კატალონიური გრანდი დიოგუ დალუსა (მანჩესტერ იუნაიტედი) და ჟოაო კანსელუს (მანჩესტერ სიტი) აკვირდება.