Diario AS-ს მიერ გავრცელებული ინფორმაციის თანახმად, რაფინიას მიმართ ინტერესი პრემიერ ლიგის რამდენიმე კლუბმა გამოიჩინა და ფეხბურთელი მზად იქნება გადასვლისთვის, თუ კარგ შეთავაზებას მიიღებს.

მიუხედავად იმისა, რომ მიმდინარე სეზონში ბრაზილიელის სტატისტიკა უსმან დემბელეზე უკეთესია, კატალონიურ კლუბს აქვს ნდობა ფრანგის მიმართ, რასაც ვერ ვიტყვით რაფინიაზე.

შეგახსენებთ, რომ "ბარსამ" ბრაზილიელი ვინგერი "ლიდსიდან" თითქმის 60 მილიონი ევროს სანაცვლოდ შეიძინა. 45 მატჩში რაფინიას 10 გოლი და 11 საგოლე გადაცემა დაუგროვდა.

დემბელემ მიმდინარე სეზონში 30 მატჩში მიიღო მონაწილეობა, სადაც მეტოქის კარი 8-ჯერ აიღო და 7 საგოლე გადაცემა გააკეთა.