"ბარსელონა" ლა ლიგის 2022/2023 წლების სეზონის ჩემპიონია!

კატალონიურმა გრანდმა ესპანეთის ჩემპიონის ტიტული ისტორიაში 27-ედ, ხოლო 2019 წლის შემდეგ - პირველად დაისაკუთრა.

ჩავი ერნანდესის გუნდმა საწადელს პრიმერას დასრულებამდე 4 ტურით ადრე მიაღწია. საჩემპიონო მატჩში "ლურჯ-ბროწეულისფრებმა" თანაქალაქელ "ესპანიოლს" მოუგეს, ანგარიშით 4:2.

"ბარსას" დღევანდელი გოლები რობერტ ლევანდოვსკის (დუბლი), ალეხანდრო ბალდესა და ჟიულ კუნდეს ანგარიშზეა.