"ბარსელონა" "ატლეტიკო პარანაენსესთვის" ვიტორ როკეს სანაცვლოდ 45 მილიონი ევროს შეთავაზებას აპირებს, - იუწყება UOL Esporte-ს ჟურნალისტი ტიაგო ფერნანდეში.

წყაროს თანახმად, "ბლაუგრანა" 18 წლის თავდამსხმელით კვლავ აქტიურად ინტერესდება, მიუხედავად კლუბის ფინანსური სირთულეებისა თუ ლიონელ მესის შესაძლო დაბრუნებისა.

ამ 45 მილიონიდან 35 მილიონ ევროს "ატლეტიკო" ყველა შემთხვევაში მიიღებს, დანარჩენი 10 მილიონი ევრო კი ბონუსების სახით იქნება გაწერილი.

ბრაზილიელი სუპერტალანტი ასევე იმყოფება "არსენალისა" და "პსჟ-ს" რადარებზე.

მიმდინარე სეზონში ჩატარებულ 17 მატჩში ვიტორმა თავი 7 გოლითა და 3 საგოლე გადაცემით გამოიჩინა.