"ბარსელონამ" ალეხანდრო ბალდესთან, კონტრაქტის გახანგრძლივების თაობაზე, სრულ შეთანხმებას მიაღწია, იტყობინება Sport.

ახალი კონტრაქტის თანახმად ფეხბურთელი კლუბში 2027 წლის ზაფხულამდე დარჩება. ასევე საინტერესო ფაქტი ისაა, რომ ბალდეს გამოსასყიდი თანხა 1 მილიარდი ევრო იქნება.

მოსალოდნელია, რომ ბალდეს ახალი კონტრაქტი ლა ლიგაში სეზონის ბოლოს დარეგისტრირდება, როდესაც "ბარსა" ხელფასებს შეამცირებს.

მიმდინარე სეზონში ბალდემ 41 მატჩში მიიღო მონაწილეობა, სადაც საკუთარ ანგარიშზე 1 გოლი და 7 საგოლე გადაცემა ჩაიწერა.