"მანჩესტერ სიტის" მთავარი მწვრთნელი ხოსეპ გვარდიოლა "ბარსელონას" ჩემპიონობას ჩემპიონთა ლიგის ნახევარფინალური ეტაპის საპასუხო მატჩის წინ გამართულ პრესკონფერენციაზე გამოეხმაურა.

"ჩავის მისალოცი შეტყობინება უკვე გავუგზავნე. მივულოცე პრეზიდენტსაც (ჟოან ლაპორტას), მაგრამ მას არ უპასუხია. ლაპორტასთან ურთიერთობის გამოცდილებიდან გამომდინარე, ვივარაუდებ, რომ ის ჯერ კიდევ ტიტულს აღნიშნავს.

მოხარული ვარ. "ბარსელონა" ჩემპიონობას იმსახურებდა," - თქვა პეპმა.

შეგახსენებთ, რომ კატალონიური გრანდი ესპანეთის ჩემპიონი ლა ლიგის დასრულებამდე 4 ტურით ადრე გახდა. მეორეადგილოსან "რეალს" "ლურჯ-ბროწეულისფერნი" ახლა 13 ქულით უსწრებენ.

"ბარსას" ისტორიაში ეს ლა ლიგის 27-ე ტიტულია.