26 წლის ბრაზილიელი შემტევი, რაფინია მომავალ სეზონშიც კატალონიის “ბარსელონას” ღირსებას დაიცავს.

გავლენიანი სპორტული სააგენტოს, as-ის სპორტული ჟურნალისტის, ხავი მიგელის მიერ გავრცელებული ინფორმაციის თანახმად, ჩავის ბრაზილიელი მოთამაშის ასპარეზობა და პერფორმანსები ძალიან მოსწონს, ესპანელ სპეციალისტს მისი შენარჩუნება სურს.

“ბლაუგრანას” პრეზიდენტ, ჟოან ლაპორტასა და რაფინიას აგენტს, დეკუს შორის შეხვედრა შედგა, სადაც გადაწყდა, რომ რაფინია კატალონიაში დარჩება.

ცნობისთვის, ახალგაზრდა ფეხბურთელმა მიმდინარე სეზონში ჩატარებულ 46 შეხვედრაში 10 გოლი გაიტანა და 12 საგოლე გადაცემა შეასრულა.