როგორც მოგეხსენებათ, "ბარსელონას" პორტუგალიელ მარჯვენა მცველს, ნელსონ სემედუს კარიერის ერთ-ერთი ყველაზე რთული პერიოდი უდგას. გავრცელებული ცნობების თანახმად, 26 წლის ფლანგელის გაყიდვა "ბლაუგრანამ" უკვე გადაწყვიტა და მან ახალი კლუბი უნდა მოძებნოს.
ახლა კი ესპანური გამოცემა El Desmarque იტყობინება, რომ ნელსონის აგენტმა, ჟორჟე მენდეშმა ლონდონის "ტოტენჰემთან" უკვე გაიარა მოლაპარაკებების ერთი სტადია და ტრანსფერის რეალურობა დაადასტურა.
საგულისხმოა ისიც, რომ "მამლები" იანვრის სატრანსფერო ფანჯარაზევე აპირებენ "ლურჯ-ბროწეულისფერთათვის" 31 მილიონი ევროს შეთავაზებას, თუმცა წყაროს ცნობით, "ბარსას" ნელსონის გაყიდვა ზაფხულის ჰქონდა გათვალისწინებული.
