ბრიტანულმა ტაბლოიდმა Daily Star-მა გაავრცელა იმ ფეხბურთელთა სია, რომლებიც "ბარსელონამ" ტრანსფერზე დააყენა.
სიაში ყველაზე მოულოდნელად "ბლაუგრანას" ფრანგი ფორვარდი, ანტუან გრიზმანი მოხვდა, რომელიც კატალონიელებმა გასულ ზაფხულს 120 მილიონ ევროდ შეიძინეს მადრიდის "ატლეტიკოდან".
სუპერვარსკვლავებიდან სამსხვერპლო ნუსხაში ასევე ვხედავთ უსმან დემბელესა და ფილიპე კოუტინიოს, რომელიც "ბარსას" ყველაზე წარუმატებელ პროექტებად ითვლებიან ბოლო წლებში.
რაც შეეხება დანარჩენ ოთხეულს, ის შემდეგნაირია: სამუელ უმტიტი, ივან რაკიტიჩი, არტურო ვიდალი, ნელსონ სემედო.
როგორც ხედავთ, ნეიმარისა და ლაუტარო მარტინესის საყიდლად "ლურჯ-ბროწეულისფერთა" ხელმძღვანელობა ნებისმიერის შესაწირადაა მზად.
